......අම්මා....
විහඟුන් ගැයුවත් සුමිහිරි ගී පද
නැත පිනවූයේ මගෙ දෙසවන
පිපුණත් මල් නෙක නෙක දසතම
නෙත නැහැ තුටු වූයේ අද දින.......
හමුවූවත් නෙක නෙක මිනිසුන්
යන එන හැම මාවතකම
නැත මා සොයනා ඒ රුව
දැක ගන්නට සිත සතුටින.....
සිත දැඩි කරගෙන යම් දිනයක
නුඹ ගිය හැටි මතකයි මා තනිකර
මා පොඩි දරුවෙකි ඒ දින
දැනුණා මට නුඹ නැති දුක මෙලෙසම.....
එන්නෙමි දැක ගන්නට නුඹ හෙට
එන්නේ කවදාදෝ ඒ හෙට දින
නුඹ නැති දුක සිත සිර කරගෙන
වැළපෙමි තනියම මා අද දින......
හැමදාමත් පැතුවේ ඉන්නයි නුඹ ළග
දෛවය විසඳුණි මේ ලෙස අද
තව තව නොහැකිය පද ගෙතුමට
හැම භවයෙම නුඹ පමණයි මගෙ අම්මා......
No comments:
Post a Comment